Heftîya dahatî serokê Herêma Kurdistanê dihêt hilbijartin

K24- Hewlêr

Heftîya dahatî Perlemana Kurdistanê bo hilbijartina serokê Herêma Kurdistanê dicive û destbikarbûna serokê Kurdistanê jî dikeve piştî Cejnê.

Endamekê Perlemana Kurdistanê ji di Firakisyona Partîya Demukrata Kurdistnê dema civîna Perlemanê bo hilbijartina serokê Herêma Kurdistanê aşkera dike û dibêje: Rêresmên destbikarbûna serokê Herêma Kurdistanê dikeve piştî Cejnê. Rûpak Ehemed, endama Komîteya yasayî jî dibêje: Kandîdê serkevtî pêdivî bi dengên 56 perlemantaran e.

Perlemana Kurdistanê di dawîya heftîya dahatî de dicive bi armanca dengdanê li ser kandîdên serokê Herêma Kurditsanê. Li gor rêkaran serokê Herêma Kurdistanê, pêdivî bi dengên 56 perlemantaraye. 48 demjimêran berî rûniştina Perlemanê jî CVên kandîdan radestê perlemantaran dihên kirin. Piştî piroseya dengdanê  kandîdê serkevtî diçe di Perlemanê de û sûnda yasayî dixwe.

Pênc kes berekanê li ser posta serokê Herêma Kurdistanê dikin. Li gor berkevte ya encamên hilbijartinê ew post bo PDKye.

Zana Mela Xal, endamê perlemanê di firakisyona PDKyê dibêje:  Me rêkkevtin li gel Yekêtîya Nîştîmanîya Kurdistanê, Gorran, pêkhateyan û Partîya Sosyalîsta Kurdistanê heye, ku kandîdê PDKyê bi 91 dengan dibe serokê Herêma Kurdistanê û rêresmên destbikarbûna serok jî dikeve piştî Cejna Remezanê.

 Li gor rêkarên yasayî, piştî hilbijartina  serokê Herêma Kurdistanê û rêresma destbikarbûnê, qonaxa pêkhatina hikumetê dest pê dike ku di nîveka meha dahatî Mesrûr Barzanî dihê raspartin bo pêkanîna kabîneya nû û  30 roj li pêşîya wî heye bo pêkanîna hikumetê.