Amerîka 14 lîwayên Pêşmerge biçek dike
K24 – Navenda Nûçeyan
Supasalarê Pêşmerge radigihîne, Amerîka 14 lîwayên Pêşmerge biçek dike û otombîl û pêwîstiyên serbazî jî ji wan lîwayan re dabîn dike. Komîta Pêşmerge jî radigihîne, karên Hevpeymanan û Hikûmeta Herêma Kurdistanê derbarê yekxistina hêzên Pêşmerge gihîştine qonaxên bicihkirinê.
Supasalarê Pêşmerge Cemal Êmînkî ji K24ê re ragihand, pêngavên biçekirina Pêşmerge destpê bûne û di pêngava yekem de 109 otombîlên ji cura Hammar gihîştine mîreya Wezareta Pêşmerge.
Aşkere kir jî, destpêkê ji Lîwaya 14 û 16 destpê dike û piştre 12 lîwayên din tên biçekirin. Herwiha behsa hevahengiya Hevpeymanan û Pêşmerge û destpêkirina rahênankirinê kir û got: Niha bi awayekî demkî rahênankirin hatiye rawestandin, lê civînên wan berdewam in û di demeke nêzîk de dest bi rahênankirina Pêşmerge dikin.
Ji aliyekî din ve, Cîgirê Serokê Komîta Pêşmerge di Perlemana Kurdistanê de Osman Sêderî ji K24ê re diyar kir, karên Hevpeymanan û Hikûmeta Herêma Kurdistanê derbarê yekxistina hêzên Pêşmerge gihîştine qonaxa bicihkirinê.
Piştî şerê DAIŞê, Hevpeymaniya Navdewletî û Hikûmeta Herêma Kurdistanê mijûlî yekxistina hêzên Pêşmerge ne û tevahiya hêzên Pêşmerge di çend lîwayan de tên birêkxistinkirin.
S. B