Hikûmeta Herêmê daxwaz ji Bexdayê dike bi erkê xwe yê yasayî exlaqî li hember Helebce rabe
K24 – Navenda Nûçeyan
Di peyamekê de bi boneya 31 saliya derbasbûna kîmyabaran Helebce, Encûmena Wezîrên Herêma Kurdistanê radigihîne, li benda hikûmeta Iraqê ne bi erkê xwe yê exlaqî û yasayî li hember Helebce rabe.
Peyama Hikûmeta Herêma Kurdistanê:
Îro 31 sal bi ser karesata kîmyabarana Helebce li ser destê rêjîma berê ya Iraqê derbas dibe, ji bilî şehîdbûna 5 hezar welatiyên bêguneh, bi hezaran kesên jî birîndar bûn û ta niha piraniya wan qurbaniyan ji ber bandorên xirap yên wê karesatê ji aliyê tenduristî û derûnî ve dinalin, ev jî ji bilî koçberbûna bi hezaran malbat û têkdana wê devera dilgîre ya Kurdistanê.
Bibîranîna vê karesatê, ligel ew rêzgirtin li qurbaniyên gelê me û dîroka pir têkoşîn û qurbanîdanê ye, tekeziyek e ji aliyê Hikûmeta Herêma Kurdistanê bi bayixdana cidî ji jiyan û xizmetguzarîkirina birîndar û malbat û kesûkarên qurbaniyên kîmyabaranê û xizmetguzariya zêdetir ji Helebceya ezîz re ye, bêgûman hîna pir kar maye ku ji wan re pêşkêş bikin û Hikûmet baldar e ku xizmeteke mezin pêşkêşî parêzgeh û xelkê Helebce bike û wê erkekî sereke û girîng ji erkên xwe dizane.
Çaverêyî Hikûmeta Iraqê dikin erkê xwe yê yasayî û exlaqî di derheqê vê parêzgehê û rûniştvanên wê de bi hemû cure bayixdanê rabe û qerebûya madî û menewî ji xelk jîngeha wê re bike, wek qurbaniya destê dewleta Iraqê.
Wek çawa Helebceya Şehîd sembola azar û qurbaniya gelê me ye, bi heman awayî sembola xweragirî û jiyana me ye. Qurbanî û ew ezîzên di vê karesatê de me jidest dane, her dem di bîra me de ne û hetaheta di wîjdana vî gelî de zîndî ne.
Hezar silav li giyanên pak û bêguneh ên şehîdên kîmyabaran Helebceya ezîz û tevahiya şehîdên Kurdistanê.
S. B