Parlemanto deng li ser aktîvkirina Serokatiya Herêma Kurdistanê dide

K24 – Navenda Nûçeyan

Parlemantoya Kurdistanê roja 8ê Gulanê dicive û deng li ser yasaya aktîvkirina Dezgeha Serokaya Herêma Kurdistanê dide.

Di daxuyaniyeke Serokatiya Parlemantoya Kurdistanê de hatiye: Roja Çarşemê 8ê Gulanê dengdan li ser pêşniyaza yasaya aktîvkirina Dezgeha Serokaya Herêma Kurdistanê – Iraq û serastkirina awayê hilbijartina Serok ta pesendkirina destûrê tê kirin.

Her di vê çarçovê de, Serokê Fraksiyona PDKê di Parlemantoya Kurdistanê de Omêd Xoşnaw di konferanseke rojnamevanî de ragihand, piştî dengdana li ser yasaya aktîvkirina Serokatiya Herêmê, em wek firaksiyona mezin namzetê Serokwezîr destnîşan din û piştre Serokê Herêm bi mersomekê wî bi pêkanîna kabîneya nû ya Hikûmeta Herêma Kurdistanê radispêre ku di 30 rojî de kabîneya nû pêk bîne.  

Got jî: Em hewl didin berî cejna Remezanê hem Serokê Herêma Kurdistanê bê hilbijartin û hem jî kabîneya nû ya hikûmetê ji aliyê Parlemantoyê ve bê pesendkirin.

S. B