Di erdheja Bakurê Kurdistanê de 20 kesî canê xwe jidest dan

K24 – Navenda Nûçeyan

Di encama erdheja li Bakurê Kurdistanê rû daye de, 20 kesan canê xwe jidest dan û nêzîkî hezar kesî jî birîndar bûn.

Şeva bûrî 28 caran li Bakurê Kurdistanê û Tirkiyê erd hejiya, navenda erdhejê li bajarê Xarpêtê bû. Erdheja yekem bi tundiya 6.8 pile li pîvera Rîchterê bû û erdheja deyem jî bi tundiya 5.4 pile bû. Herwiha li gelek bajarên Bakurê Kurdistanê jî hest pê hate kirin.

Li gor amarên destpêkê, heta niha li bajarên Xarpêt û Meletiyê 20 kesan canê xwe jidest dane û bi sedan jî kes birîndar bûne. Herwiha hejmarek ji xanî û avahiyan jî herifîne.

Bi dehan ambulans bo cihê erdhejê hatine şandin û tîmên hawarhatinê jî mijûlî lêgerîna di nava avahiyên herifîne de ne.

Li Rojavayê Kurdistanê jî, li tevahiya herêmên Efrîn, Kobanî û Qamişlo jî hest bi erdhejî hate kirin.

S. B