Dayika dîl a DAIŞ û 2 zarokên wê hatin rizgarkirin
K24 – Navenda Nûçeyan
Ofîsa Rizgarkirina Kurdên Êzdî yên Dîl ên di destê DAIŞê de, ku navenda xwe li Dihokê ye ragihand, dayikek û 2 zarokên wê ji destê DAIŞê hatine rizgarkirin.
Berpirsiyarê Ofîsê Husên Kaidî diyarkir, ku dayikek û 2 zarokên wê yên ku ji gundê Herdan a girêdayî Şingalê berî 4 salan hatî revandin, hatine rizgarkirin.
Dayika hatî revandin, navê wê M. B. H (25 salî) û navên zarokên wê jî: M û M in.
Kaidî herweha anî ziman, ku xebatek mezin jib o rizgarkirina M.B.H û zarokên wê hatiye dan û di encam de, ew hatine rizgarkirin.
Kaidî berdewamiya xebatên Ofîsê ragihand û got ku Serokwezîriya herêma Kurdistanê alîkarê sereke ya xebata wan e.
C.B