Kirêmlîn pesn a Erdogan dide, ku li hember fişarên Amerîka berxwe dide

Kirêmlîn pesnê Serokomarê Tirkiyê dide ku, hember fişarên Amerîka berxwe dide û di kirîna sîstema S-400 de bibiryar e.

Kurdistan24 Hewlêr 2019/04/14 17:06

cihan

K24- Hewlêr

Kirêmlîn pesnê Serokomarê Tirkiyê dide ku, hember fişarên Amerîka berxwe dide û di kirîna sîstema S-400 de bibiryar e.

Peyvdarê Krêmlînê Dmitriy Peskov, di beşdariya bernameyke televîzyoneke Rûsyayê de da xuyakirin, Amerîka fişarên bêmînak li Erdogan dike ku, dest ji kirîna sîstema S-400 berde.

Da zanîn, li gor yasayan piraniya welatan serbixwe ne, lê pir kêm welat hember zextan dikarin serbixwe tevbigerin ku Rûsya û Tirkiye ji wan du welat in.

Peskov got, ew biryarbûna Erdogan bi kêfxweşî pêşwazî dikin û da xuyakirin, helwesteke weha rê dide pêwendiyên azad û danustandinen serkeftî.

Serokomarê Tirkiyê Receb Tayîb Erdogan dabû xuyakirin, rêkeftina S-400 temam bûye û dibe ku beriya Tîrmehê jî werin radestkirin.