Ragehandinek ji hikumeta Herêma Kurdistanê

K24- Hewlêr

Hikumeta Herêma Kurdistanê ragehandinek li ser şerê PKK û Tirkiyê li Herêma Kurdistanê belav kir.

Di wê ragehandinê de hatîye: Daxwaz ji hikumeta Tirkiyê û çekdarên PKKyê dikîn nebin egera zîyan gehandinê bi welatîyên Herêma Kurdistanê.

Herweha hatîye: Daxwaz jî dikîn  selametî welatîyên Herêma Kurdistanê bihêt paraztin û nabe welatîyên Herêmê bibin armanca burdûmanê.

Ev jî deqa wê ragehandinê ye:

Daxwaz ji hikumeta Tirkiyê û çekdarên PKKyê dikîn nebin egera zîyan gehandinê bi welatîyên Herêma Kurdistanê. Cihê daxêye, evro ji encama burdûmana firokeyên cengîyên Tirkiyê li binara Qendîlê çend welatîye birîndar bûn û zîyana maddî jî ji wê burdûmanê çê bûye.

Hikumeta Herêma Kurdistanê di demekê de hevxemîya xwe li gel zîyan pêkevtîyên ewê deverê nîşan dide û  nîgerane ji wê burdûmanê, daxwaz jî dikîn  selametî welatîyên Herêma Kurdistanê bihêt paraztin û nabe welatîyên Herêmê bibin armanca burdûmanê. Hev dem daxwaz ji PKKyê dikîn rewşa welatîyan û bi taybetmendîya herêma Kurdistanê bixin berçavan û êdî nebin egera zîyan gehandinê bi welatîyên Herêma Kurdistanê.

Gotebêjê hikumeta Herêma Kurdistanê

19yê, Tebaxê,2019