مەسرور بارزانی و سەرکردایەتیکردنێکی ستراتیژی
هەر لەکاتی دەستبەکاربوونی کابینەی نۆیەمی حکومەتی هەرێمی کوردستان و بە تایبەت لە ماوەی یەک ساڵی ڕابردوودا، حکومەتی هەرێمی کوردستان و مەسرور بارزانی، سەرۆکوەزیرانی هەرێمی کوردستان بە قۆناغێکدا تێپەڕیون کە مامەڵەکردن لە گەڵیدا زور سەخت بوو. ئەم تەحەددایانە تەنیا لە سرووشتدا بە شێوەیەکی هەڕەمەکی نەبوون، بەڵکو نیشانەیەکی ڕوونیان هەیە کە لەلایەن گرووپەکانی ناو وڵاتەوە بە فەرمانی هێزێکی دەرەکی ڕێکخراوون. ئەم ئەکتەرە دژبەرانە بە شێوەیەکی میتۆدی هەم هێرشی ئابووری و هەم هێرشی دەروونییان ئەنجامداوە بۆ تێکدانی سەقامگیری هەرێم، بە ئامانجی ناچارکردنی هەرێم بۆ تەسلیمبوون بە ئیرادەی جیۆپۆڵەتیکی خۆیان.
مەسرور بارزانی، لە ڕۆڵی سەرۆکوەزیرانی هەرێمی کوردستان، وەک قەڵایەک لە بەرامبەر ئەو فشارانەدا وەستاوە. لە ڕێگەی تێکەڵەیەک لە لێهاتوویی سیاسی و دووربینی ستراتیژی، توانیویەتی وڵات بەرەو قەراغێکی ئارام ببات. یەکێک لە دەستکەوتە گرنگ و دیارەکان بڕیاری پێدانی موچەی دوو مانگ بوو لە یەک مانگدا، کە نەک هەر قەیرانێکی ئابووری ئەگەری دوورخستەوە بەڵکو متمانە و مۆڕاڵی خەڵکی بەرزکردەوە. ئەم بڕیارە بۆ زۆر کەس بە تایبەت یەکێتی نیشتیمانی و هەندێک لایەنی دیكه‌ی ناوخۆیی جێگای سەرسوڕمان بوو، بەتایبەتی ئەو گرووپە دژبەرانەی کە زۆر کاریان کردبوو بۆ ئەوەی سەرچاوەی دارایی نەگاتە هەرێمی كوردستان، بە ئاستەنگ خستنە سەر بودجەی حکومەتی هەرێم لە حکومەتی ناوەند لە بەغدا.
هەوڵەکانی ئەم گرووپانە بۆ وەرگرتنی کریدت بۆ پێشکەوتنی ئابووری دوای ئەو ڕاستییە نموونەیەکی ڕوونە کە چۆن پۆپۆلیزم و دەستکاریکردنی میدیا بۆ داڕشتنی ڕای گشتی بەکاردەهێندرێت. سەرەڕای دژایەتی پێشوویان بۆ هەناردەکردنی بەشە بودجەی هەرێم، ئێستا خۆیان وەک پاڵەوانێک نیشان دەدەن کە ئەوان بوون کاریان لەسەر هەناردەکردنی دوو مووچەدا کردووە. ئەم پێچەوانەبوونەوەیە نەک هەر ئیرۆنییە بەڵکو ستراتیژێکە کە مەبەست لێی چاندنی دووبەرەکییە لە نێوان سەرکردەکانی هەرێم و هاووڵاتییان بەر رێگایی هزڕی پۆپۆلیستی و زانیاری دوور لە راستی.
بەڵام سەرکردایەتی جەنابی مەسرور بارزانی تەنیا لە مامەڵەکردن لەگەڵ قەیرانە ئابورییە دەستبەجێەکاندا سنوردار نییە. دیدگای جەنابیان بۆ حکومەتی هەرێمی كوردستان زۆر لەوە زیاترە کە چارەسەری کاتی بێت. جەنابیان پڕۆژەیەکی سەرکەوتووانەی دەستپێکردووە و جێبەجێی کردووە کە هەم ئابووری و هەم ژێرخان باشتر دەکەن، نەک هەر کوالیتی ژیانی دانیشتوان بەرز دەکەنەوە، بەڵکو پێگەی ئەمنی و نێودەوڵەتیی هەرێم بەهێزتر دەکەن. لە سەردەمی دەستبەکاربوونی کابینەی نۆیەم توانیوویەتی خۆی وەک قەوارەیەکی سەربەخۆتر و خۆبژێوتر، ئامادە بێت بۆ ڕووبەڕووبوونەوەی ئاستەنگەکانی داهاتوو بە هێز و توانای نوێبووەوە.
مەسرور بارزانی لەم چوارچێوەیەدا وەک سەرکردەیەکی کاریزماتیک دەردەکەوێت کە دەستێکی پتەوی بەو واقیعانەدا هەیە کە حکومەتەکەی ڕووبەڕووی دەبێتەوە. توانای وەستانەوە لە پێناو مافەکانی گەلەکەی و سەروەری حکومەتی هەرێم لە بەرامبەر فشارە دەرەکییەکان و ململانێ ناوخۆییەکان نەک تەنها ئازایەتی سیاسی بەڵکو تێگەیشتنێکی قووڵە لە پێگەی ناوازەی هەرێم و گرنگی ستراتیژییەکەی هەبووە. حوکمڕانی جەنابیان نموونەیەکی بەهێزە کە چۆن سەرکردایەتی دەتوانێت ئاستەنگە بەرچاوەکان تێپەڕێنێت و لە هەمان کاتدا بناغەکان بۆ داهاتوویەکی بەردەوام ئامادە بکات.