فڕۆكه‌كانی عێراق مۆڵگه‌كانی داعش بۆردومان ده‌كه‌ن

"له‌ ئه‌نجامی بۆردومانكردنه‌كه‌، ژماره‌یه‌ك چه‌كداری داعش كوژراون و ژماره‌یه‌ك مۆڵگه‌ی تیرۆریستان تێكشكێنراون"
عێراق به‌ فڕۆكه‌ی (ئێف-16) چه‌كدارانی داعش بۆردومان ده‌كات
عێراق به‌ فڕۆكه‌ی (ئێف-16) چه‌كدارانی داعش بۆردومان ده‌كات

K24 - هه‌ولێر:

شانه‌ی راگه‌یاندنی ئه‌منی عێراق، ئه‌مڕۆ چوارشه‌ممه‌ (3ی ئادار/ مارسی 2021) رایگه‌یاند، فڕۆكه‌كانی عێراق له‌ ناوچه‌یه‌كی نێوان پارێزگای كه‌ركووك و سه‌ڵاحه‌ددین له‌ زنجیره‌یه‌ك لێدانی ئاسمانی، ژماره‌یه‌ك‌ چه‌كدارانی داعشی كوشتووه‌‌.

ئاژانسی هه‌واڵی عێراقی (واع) بڵاویكرده‌وه‌، شانه‌ی راگه‌یاندنی ئه‌منی عێراق‌ له‌ به‌یاننامه‌یه‌كدا ئاماژه‌ی به‌وه‌ كرد، "فڕۆكه‌كانی (ئێف-16)ی عێراقی، به‌ره‌به‌یانی ئه‌مڕۆ، له‌ ناوچه‌یه‌كی قه‌ده‌غه‌كرا له‌ نێوان باكووری پارێزگای سه‌ڵاحه‌ددین و باشووری رۆژئاوای كه‌ركووك زنجیره‌یه‌ك لێدانی ئاسمانی وه‌شاندووه‌".

شانه‌كه‌ گوتیشی: "كاره‌كه‌ به ‌سه‌رپه‌رشتی و پلانی فه‌رمانده‌یی كاری هه‌وبه‌ش كراوه‌"، جه‌ختیشی كرده‌وه‌، "له‌ ئه‌نجامی بۆردومانكردنه‌كه‌، ژماره‌یه‌ك چه‌كداری داعش كوژراون و ژماره‌یه‌ك مۆڵگه‌ی تیرۆریستان تێكشكێنراون".

سه‌رچاوه‌: رۆژنامه‌ی ئیتیحادی ئیماراتی

د.ی