ئیسته‌نبول له‌به‌رده‌م هه‌ڕه‌شه‌ی كاره‌ساتێكی گه‌وره‌ی سرووشتیدایه‌

پێشبینی روودانی بوومەلەرزەیەکی بە‌هێزدەکرێت لە ئیستەنبوڵ
ئیسته‌نبول له‌به‌رده‌م هه‌ره‌شه‌ی كاره‌ساتێكی گه‌وره‌ی سرووشتیدایه‌
ئیسته‌نبول له‌به‌رده‌م هه‌ره‌شه‌ی كاره‌ساتێكی گه‌وره‌ی سرووشتیدایه‌

K24 – هه‌ولێر:

شارەزایانی زەویناسی لە تورکیا پێشبینی روودانی بوومەلەرزەیەکی بەهێز دەکه‌ن لە ئیستەنبوڵ و ناوچەی مەڕمەڕە، بۆ بەرەنگاربوونەوەی ئەو هەڕەشەیەش حکومەتی تورکیا پلانێکی تایبەتی ئامادەکردووە.

کۆمەڵێك لە شارەزایانی بواری زەویناسی پێشبینی بوومه‌لەرزەیەک بە گوڕی 7.5 پلەی رێختەر دەکەن لە ناوچەی مەڕمەڕەی تورکیا، هاوکات دامەزراوەی ئافات و فریاكه‌وتن، كه‌ تایبه‌ته‌ به‌ كه‌شناسی و بوومه‌له‌رزه‌زانی، پلانێکی وردی داڕشتووە بۆ ئەوەی کەمترین زیان هەبێت.

بەپێی پلانی دانراوی حکومەتی تورکیا بۆ پاراستنی گیانی هاووڵاتیان، شاری ئیستەنبوڵیان بۆ 23 ناوچە دابەشکردووە و سەرجەم خزمەتگوزارییەکانی گواستنەوەی ئاسمانی و زەمینی و ئاوی لەو شوێنانەی کە بوومه‌لەرزە زیانی پێدەگەیه‌نێت هاوکاری خەڵك دەکەن، بۆ ئەو مەبەستەش سەرجەم لێپرسراوانی ئەو شارە دەستیان بە ئامادەکاری کردووە.

شاری ئیستەنبوڵ و ناوچەی مەڕمەڕە لە ساڵانی رابردوو رووبەڕووی بوومەلەرزەی زۆر بەهێزبوونەتەوە لە دوایینیشیان لە ساڵی 1999 لە شەوی 17ی ئابدا لە کاتژمێر سێی بەرەبەیاندا بوومەلەرزەیەک بە گوڕی 7.4 پلەی رێختەر روویدا و ماوەی 45 چرکە بەردەوام بوو ئەمەش بووە هۆکاری گیان لەدەستدانی 18 هەزار و 373 کەس و برینداربوونی 48 هەزار و 901 کەس.

م. ھ