لە خانەقین داعش ھێرشی کردە سەر حەشدی شەعبی
K24 – گەرمیان
لە گوندێکی سنووری خانەقین، چەکدارانی داعش هێرشیان کردە سەر حەشدی شەعبی کوژراو و بریندار هەن.
هەرێم جاف، پەیامنێری کوردستان24 رایگەیاند: "لە گوندی شەقیق-ی سنووری خانەقین چەکدارانی داعش ھێرشیان کردە سەر چەکدارانی حەشدی شەعبی".
سەرچاوەیەکی بەرپرس لە لیوای 3ی هێزی پێشمەرگە لە گەرمەسێر بە کوردستان24ی گوت: "بەھۆی ھێرشەکەوە چەکدارێکی حەشد لە لیوای 23 کوژراوە و سێ چەکداری دیکەش بریندارن، تەرمی کوژراوەکە و بریندارەکان رەوانەی نەخۆشخانەی خانەقین کران".
