به‌ راسپارده‌ی سه‌رۆكی حكومه‌ت به‌نزینخانه‌ بۆ پاسه‌كانی هێڵی گشتی دابین ده‌كرێت

"وەزارەتی سامانە سروشتییەکان بڕیاری دا لە ھەریەکێک لە پارێزگاکانی ھەولێر و سلێمانی و دھۆک، بەنزینخانەیەک بۆ پاسەکانی ھێڵی گشتی دیاری بکرێت"
لۆگۆی حكومه‌تی هه‌رێم
لۆگۆی حكومه‌تی هه‌رێم

K24 – هه‌ولێر:

فه‌رمانگه‌ی میدیا و زانیاری حكومه‌تی هه‌رێمی كوردستان بڵاویكرده‌وه‌، به‌ راسپارده‌ی سه‌رۆكی حكومه‌تی هه‌رێمی كوردستان به‌نزینخانه‌ بۆ پاسه‌كانی هێڵی گشتی له‌ گشت پارێزگاكانی هه‌رێمی كوردستان دیاری ده‌كرێت.

فه‌رمانگه‌ی میدیا و زانیاری حكومه‌تی هه‌رێم رایگه‌یاند، به‌ ڕاسپاردەی مەسرور بارزانی سەرۆکی حکومەتی ھەرێمی کوردستان، بەمەبەستی چارەسەرکردنی کێشەی گرانبوون و کەمی بەنزین و ڕەچاوکردنی دۆخی خانەوادە کەم دەرامەتەکان، وەزارەتی سامانە سروشتییەکان بڕیاری دا لە ھەریەکێک لە پارێزگاکانی ھەولێر و سلێمانی و دھۆک، بەنزینخانەیەک بۆ پاسەکانی ھێڵی گشتی دیاری بکرێت.

راشیگه‌یاند، دابینكردنی ئه‌و به‌نزینخانانه‌ بۆ ئەوەیه‌ كه‌ بەنزین بەو نرخەی کە وەزارەتی سامانە سروشتییەکان دیاری دەکات بەم شێوەیەی خوارەوە دابەش بکات:

- ھەولێر: بەنزینخانەی یاسەمین لە شەقامی ١٠٠ مەتری، تەنیشت فاملی مۆڵ.

- دھۆک: بەنزینخانەی چیا لە شەقامی ئامەد، نزیک بەڕێوەبەرایەتی گومرگ.

- سلێمانی: بەنزینخانەی گروپی ھەڵەبجە، تەنیشت فاملی مۆڵ.