سوپای عێراق ماوه‌ی 2 كاتژمێر به په‌كه‌كه ده‌دات
K24- شنگال:
سوپای عێراق هۆشداری ده‌داته چه‌كدارانی په‌كه‌كه له سنووری قه‌زای شنگال و ته‌نها ماوه‌ی 2 كاتژمێریان پێ ده‌دات.
په‌یامنێری كوردستان24 له شنگال رایگه‌یاند، سوپای عێراق ته‌نها ماوه‌ی 2 كاتژمێری بۆ چه‌كدارانی په‌كه‌كه دیاریكردووه، بۆ ئه‌وه‌ی له ته‌واوی ناوچه‌كانی سنووری قه‌زای شنگال بچنه ده‌ره‌وه.
هه‌وره‌ها راشیگه‌یاند، سوپای عێراق هۆشداری ئه‌وه‌شی به چه‌كدارانی په‌كه‌كه داوه، ئه‌گه‌ر له ماوه‌ی ئه‌و دوو كاتژمێره سه‌رجه‌م بنكه‌كان چۆڵ نه‌كه‌ن و له ناوچه‌كه نه‌كشێنه‌وه، ئه‌وا گورزێكی گه‌وره‌یان لێ ده‌وه‌شێنن.
H.B