بارەگای بارزانی: نه‌وزاد ره‌فعه‌ت لە خەباتی پێشمەرگایەتیدا وه‌رگێڕ و نووسه‌ری رادیۆی دەنگی كوردستان بوو
K24 – هه‌ولێر:
باره‌گای بارزانی په‌یامێكی سه‌ره‌خۆشی ئاراسته‌ی كه‌سوكار و بنه‌ماڵه‌ی شاعیری كۆچكردوو نه‌وزاد ره‌فعه‌ت كرد.
ده‌قی په‌یامه‌كه:
بەناوی خودای بەخشندە و میهرەبان
بەڕێزان لەخانەوادەی نووسەر و شاعیر نەوزاد رەفعەت
بەداخێكی زۆرەوە هەواڵی كۆچی دوایی نووسەر و شاعیری دیار كاك(نەوزاد رەفعەت)مان پێگەیشت.
كاك نەوزاد رەفعەت نووسەر و شاعیرێكی دیار و كاریگەر بوو لە نێو كایەی ئەدەبی كوردیدا، هەروەها لە خەباتی پێشمەرگایەتیشدا لە رادیۆی دەنگی كوردستان یەكێك بوو لە وەرگێڕ و نووسەرەكانی ئەو رادیۆیە.
بەم بۆنە خەمناكەوە، سەرەخۆشیی ئاڕاستەی خانەوادە بەڕێزەكەتان و خزم و ئاشنایان و دۆستانی خوالێخۆشبوو و رۆشنبیر و شاعیرانی كوردستان دەكەین، خۆمان بەهاوبەشی خەمی هەموو لایەك دەزانین.
لە خودای مەزن داوكارین دڵنەوایی و ئارامی بە خانەوادە بەڕێزەكەتان و كەسوكارتان ببەخشێت و گیانی خوالێخۆشبوو كاك نەوزاد رەفعەت بەر دلۆڤانی خۆی بخات و بە بەهەشتی بەرینی شاد بكات.
إنا لله وإنا اليه راجعون
بارەگای بارزانی
5ـی تەمموزی 2022