هەناردەی کاڵای ئێرانی بۆ عێراق کەمیکردووە

لە چوار مانگدا زیاتر لە دوو ملیار دۆلار بووە
ئەرشیف
ئەرشیف

K24 - هەولێر

ژووری بازرگانی هاوبەشی ئێرانی عێراقی رایگەیاند، هەناردەی وڵاتەکی بۆ عێراق لە چوار مانگدا گەیشتووەتە دوو ملیار 398 ملیۆن دۆلار.

بە گوێرەی راپۆرتێکی ئاژانسی فارسی ئێرانی، جیهانبەخش شیرازی سکرتێری ژووری بازرگانی هاوبەشی ئێرانی عێراقی رایگەیاندووە، هەناردەی وڵاتاکەی بۆ عێراق لە چوار مانگدا 6 ملیۆن و 932 هەزار تۆن بووە و لەسەر ئاستی ساڵانە %37 کەمیکردووە. کە بەهای کاڵای هەناردەکراوی ئێران 2 ملیار و 398 ملیۆن دۆلار بووە و لەسەر ئاستی ساڵانە %15 بۆ %17 کەمیکردووە.

ئەمە لە کاتێکدایە لە هەمان ماوەی ساڵی رابردوودا، ئێران نزیکەی 11 ملیۆن تۆن کاڵای بە بەهای 2.817 ملیار دۆلار هەناردەی عێراق کردبوو.