لە تەقینەوەیەکدا لەناو مزگەوتێکی پاکستان 19 کەس کوژران
K24 - هەولێر:
لە مزگەوتێکی پاکستان تەقینەوەیەکی گەورە روویدا و بەهۆی 19 کەس کوژران نزیکەی 90 کەس برینداربوون.
پۆلیسی پاکستان ئاشکرایکرد، لە ئەنجامی تەقینەوەیەک لە مزگەوتێک لەناو بنکەی پۆلیسی پاکستان لە باکووری رۆژئاوای شاری پیشاوەر نزیکەی 20 کەس گیانیان لەدەستدا و نزیکەی 90 کەسی دیکەش برینداربوون.
ئاماژەی بەوەشدا، تەقینەوەکە لەکاتی ئەنجامدانی نوێژی نیوەڕۆ بووە و بەشێک لە مزگەوتەکەش رووخاوە.
ئەوەشی خستەڕوو، بریندارەکانیان گەیاندوونەتە نەخۆشخانە و بەشێکیشیان برینەکانیان سەختە.
موحەممەد ئاسیم خان، گوتەبێژی ئەو نەخۆشخانەیەی بریندارەکانی بۆ گواستراوەتەوە، رایگەیاند، تا ئێستا 19 کەس کوژراون و نزیکەی 90 کەسیش برینداربوون، تا دێت ژمارەی قوربانییەکان بەرز دەبێتەوە.
تەقینەوەکە لە مزگەوتێکی شاری پێشاوەر لە پاکستان روویداوە، ئەو شارە هاوسنوورە لەگەڵ ئەفغانستان و زۆرجار لەلایەن گرووپە میلیشاکانەوە بەئامانج دەگیرێت.
Ya Allah please save Pakistan pic.twitter.com/RJ8m3VLZmk
— MNA (@Engr_Naveed111) January 30, 2023