ھاوپەیمانییەتی یەكێتی و گۆڕان لە ئەنجوومەنی پارێزگای سلێمانی رادەگەیندرێت
باشووری کوردستان
یەكێتی نیشتیمانی كوردستان
بزوتنەوەی گۆران
ئەنجوومەنی پارێزگای سلێمانی
فراكسیۆنی ھاوبەش
K24 - ھەولێر
دوای ئەوەی رێككەوتنامەی سیاسی لەنێوان یەكێتی نیشتمانی كوردستان و بزوتنەوەی گۆڕان واژوو كرا و چەندین كۆبوونەوەیان بۆ پێكھێنانی لیستی ھاوبەش لە پەرلەمان و پارێزگاكان ئەنجامدا ئەمڕۆ لیستی ھاوبەش لە ئەنجوومەنی پارێزگای سلێمانی لە نێوان ھەردوولا پەسندكرا.
لە كۆبوونەوەی ئەمڕۆی فراكسیۆنەكانی یەكێتی و گۆڕان لە ئەنجوومەنی پارێزگای سلێمانی رەشنووسی ھاوپەیمانییەتی ھاوبەش لە نێوان ھەردوولادا پەسندكرا و فراكسیۆنە ھاوبەشەكە ناونرا فراكسیۆنی (ھیوا) بڕیاریشە ئەمڕۆ لە كۆنگرەیەكی رۆژنامەوانیدا فراكسیۆنە ھاوبەشەكە رابگەیەندرێت.
لە 17ی ئایاری 2016 یەكێتی نیشتمانی كوردستان و بزوتنەوەی گۆڕان رێككەوتنیان واژوو كرد، بڕیاریشە فراكسیۆنەكانیان لە پەرلەمانی عێراق و كوردستان و پارێزگاكان بكەن بە فراكسیۆنی ھاوبەش.