ئاستی ئاوی دەربەندیخان بەشێوەیەکی بەرچاو بەرزبووەتەوە

K24 - هەولێر:

بەھۆی ئەو شەپۆلە باران بارینەی هەرێمی کوردستانی گرتووەتەوە، ئاستی ئاوی بەنداوی دەربەندیخان دوو مەتر و 89 سانتیمەتر بەرزبووەتەوە.

ئەمڕۆ هەینی (17ـی ئادار/مارسی 2023)، سامان ئیسماعیل، بەڕێوەبەری بەنداوی دەربەندیخان بە کوردستان24ـی راگەیاند، رۆژی چوارشەممە (8ـی ئادار/مارسی 2023)، بەنداوی دەربەندیخان ملیارێک و 46 ملیۆن مەترسێجا ئاوی تێدا بوو، بەڵام لەو رۆژەوە تا ئەمڕۆ هەینی ئاستی ئاوی بەنداوەکە بۆ ملیارێك و 157 مەترسێجا بەرزبووەتەوە.

ئەمە لە کاتێکدایە ماوەی سێ ساڵە سەرەڕای وشکە ساڵی و کەمی باران بارین، ئێرانیش سەتا سەتی ئەو ئاوەی کە لە خاکە کەیەوە دەڕژایە نێو رووباری سیروان و بە نداوی دەربەندیخان، گرتووەتەوە.