عێراق رێککەوتن لەگەڵ 10 كۆمپانیای هیندی دەکات

 K24- هەولێر

راوێژكاری ئاسایشی نیشتیمانی عێراق، له‌ نیوده‌لهی سه‌رپه‌رشتی كۆبوونه‌وه‌یه‌كی كرد له‌گه‌ڵ چه‌ند كۆمپانیایه‌كی پسپۆری جیاوازی هیندی، له‌ كۆبوونه‌وه‌كه‌دا رێككه‌وتنی سه‌ره‌تایی كرا له‌نێوان ده‌سه‌ڵاته‌ تایبه‌تمه‌نده‌كانی عێراق و ئه‌و كۆمپانیایانه‌ بۆ ئاوه‌دان كردنه‌وه‌ی عێراق.

نووسینگه‌ی راگه‌یاندنی، راوێژكاری ئاسایشی نیشتیمانی عێراق له‌ راگه‌یه‌ندراوێكدا ئاماژەی بەوەکردووە، له‌ نیوده‌لهی كۆبوونه‌وه‌یه‌ك له‌نێوان قاسم ئه‌عره‌جی و 10 كۆمپانیای هیندی فره‌ پسپۆری ئه‌نجامدرا، له‌ كۆبوونه‌وه‌كه‌دا كۆمپانیا هیندییه‌كان به‌ وردی به‌رهه‌مه‌كانی خۆیان خسته‌ڕوو، ئاماده‌یی خۆشیان ده‌ربڕی بۆ جێبه‌جێكردنی پێداویستیه‌كانی عێراق، چ له ‌رووی پیشه‌سازی یان هاوكاری كردن له‌ كه‌ره‌سته‌ی تواناسازی و خۆبژێوی له‌ عێراق له‌ه ه‌موو بواره‌كان.

له‌ راگه‌یه‌ندراوه‌كه‌دا هاتووه‌، قاسم ئه‌عره‌جی، راوێژكاری ئاسایشی نیشتیمانی عێراق، رێككه‌وتنێكی سه‌ره‌تایی كردووه‌، به‌وه‌ی كۆبوونه‌وه‌ی دوو قۆڵی له‌نێوان ده‌سه‌ڵاتی تایبه‌تمه‌ندی عێراق و ئه‌و كۆمپانیایانه‌ بكرێت، هه‌روه‌ها به‌شداریكردن له‌ ئاوه‌دانكردنه‌وه‌ی عێراق و بوژاندنه‌وه‌ی پیشه‌سازی عێراق.