ئەمەریکا داوا لە هاووڵاتییانی دەکات دەستبەجێ رووسیا جێبهێڵن
K24 – هەولێر:
دوای دەستگیرکردنی رۆژنامەنووسێکی ئەمەریکی لە رووسیا، واشنتن داوا لە هاووڵاتیانی وڵاتەکەی دەکات دەستبەجێ ئەو وڵاتە جێبهێڵن.
ئەنتۆنی بلینکن وەزیری دەرەوەی ئەمریکا رایگەیاند، هاووڵاتیانی وڵاتەکەی لە رووسیا لەژێر مەترسیدارن و داوایان لێدەکەین دەستبەجێ رووسیا جێبهێڵن.
ئاشکراشی دەکات، سەرکۆنەی هەوڵەکانی کریملن بۆ سزادان و سەرکوتکردنی رۆژنامەنووسان و دەنگی کۆمەڵگە دەکەین.
هەروەها نیگەرانی حکومەتی وڵاتەکەی لە دەستگیرکردنی رۆژنامەنووسێکی ئەمریکی لەلایەن هەواڵگری رووسیا دەربڕی و جەختیکردەوە، هەوڵدەدەین خزمەتگوزاری کونسوڵخانەکەمان و پێداویستییەکان بۆ هاووڵاتییە دەستگیرکراوەکەی ئەمریکا لە رووسیا دەستەبەر بکەین.