له‌سه‌ر ئاستی عێراق، دژوار ئیبراهیم خه‌ڵاتی باشترین كاریكاتێریستی پێدرا
K24 - هەولێر:
ماڵی كاریكاتێری عێراقی، به‌هاوكاری ده‌زگای (النهرین) بۆ لاوان و گه‌شه‌پێدان، كێبڕكێی وێنه‌كێشان (به‌هه‌موو جۆره‌كانییه‌وه)ـی بۆ هونه‌رمه‌ندانی ئه‌و بواره له‌سه‌ر ئاستی عێراق رێكخست، تێیدا دژوار ئیبراهیم كاریكاتێریستی كورد پله‌ی یه‌كه‌می به‌ده‌ستهێنا.
له مه‌راسیم و ئاهه‌نگی كۆتایی، كاریكاتێریستی عێراقی عه‌بدولحه‌سه‌ن ئه‌لروبه‌یعی رێزلێنانی بۆ كرا و دژوار ئیبراهیمیش وه‌ك هونه‌رمه‌ند و كاریكاتێریستی كورد، خه‌ڵاتی یه‌كه‌می له‌هونه‌ری كاریكاتێر به‌ده‌ستهێنا.
دژوار ئیبراهیم به كوردستان24ـی راگه‌یاند، له رۆژانی مانگی ره‌مه‌زانی پیرۆزدا، ماڵی كاریكاتێری عێراقی پێشبڕكێیه‌كی بۆ كاریكاتێریستان و هونه‌رمه‌ندانی عێراقی رێكخست، كه زۆرترین كه‌س تێدا به‌شداربوون، وه‌ك هونه‌رمه‌ندێكی كورد پله‌ی یه‌كه‌مم به‌ده‌ستهێنا.
