توركیا.. 32 گومانلێكراو له نێویاندا سێ بهرپرسی داعش دهستگیركران
K24 - هەولێر:
ئاژانسی ئهنادۆڵی توركی رایدهگهیهنێت، 32 گومانلێكراو، له نێویاندا سێ بهرپرسی داعش دهستگیركران.
ئهمڕۆ (ههینی 29ـی كانوونی یهكهمی 2023)، ئاژانسی ئهنادۆڵی توركی بڵاویكردهوه، 32 گومانلێكراو لهنێویاندا سێ بهرپرسی داعش دهستگیركران، كه پلانی هێرشكردنهسهر كڵێساكان و باڵیۆزخانهی عێراقییان ههبووه.
پێشتریش لێکۆڵەری سەرەکی فەرماندەیی ناوەندی هێزەکانی ئەمهریکا لە ئۆپهراسیۆنی بەرەنگاربوونەوەی داعش، بە کۆنگرێسی وڵاتەکەی راگەیاندبوو، تواناکانی داعش زۆر لاوازبوون و ئێستا ژمارەیان لە نێوان شەش هەزار بۆ 10 هەزار کەسە.
لە راپۆرتەکەی لێکۆڵەرەکەدا هاتبوو، بەشێوەیەکی بەردەوام سەرکردەکانی داعش بە ئامانج دەگیرێن.
ئاماژەی بەوەشداوە، هەریەکە لە تورکیا، ئێران، رووسیا و سووریا کاریگەرییان لەسەر کەمپینی لەناوبردنی داعش هەیە.
پێشتریش راشل جیفکۆت، گوتەبێژی هاوپەیمانی نێودەوڵەتی دژ بە داعش رایگەیاندبوو، لەمیانی ئۆپەراسیۆنەکانی ساڵی 2022دا، 600 چەکداری داعش کوژران و 374 چهكداری دیکەش دەستگیرکراون.