به‌ وێنه‌.. زڵاتان یه‌كه‌مین نازناوی پێشكه‌شی مانچێسته‌ر یونایتد كرد

 له‌ یاریی قه‌ڵغانی ئینگلاند، له‌ یاریگه‌ی وێمبلی له‌ له‌نده‌ن، هه‌ردوو یانه‌ی مانچێسته‌ر یونایتد و لیسته‌ر سیتی رووبه‌ڕووی یه‌كتر بوونه‌وه‌، یارییه‌كه‌ش به‌ سه‌ركه‌وتنی شه‌یتانه‌ سووره‌كان كۆتایی هات.

كه‌مێك پێش ئێستا، یاریی نێوان لیسته‌ر سیتی و مانچێسته‌ر یونایتد به‌ (1 ـ2) گۆڵ كۆتایی هات، لینگارد ئه‌ستێره‌ بچووكه‌كه‌ی مانچێسته‌ر یونایتد له‌ خوله‌كی 32 یانه‌ی مان یونایتدی به‌ گۆڵێك پێشخت.

له‌ گێمی دووه‌م، جیمی ڤاردی، گۆڵكه‌ری لیسته‌ر سیتی له‌ خوله‌كی 52 ئه‌نجامه‌كه‌ی بۆ یانه‌كه‌ی یه‌كسان كرده‌وه‌.

له‌ كۆتاییه‌كانی ئه‌م گێمه‌، زڵاتان ئیبراهیمۆڤیچ به‌ر له‌وه‌ی ناوبژیوانی یارییه‌كه‌ فیكه‌ی كۆتایی یارییه‌كه‌ لێ بدات، به‌ گۆڵێكی كوشنده‌ یانه‌كه‌ی پێشخست و یه‌كه‌مین نازناوی بۆ یانه‌كه‌ی ده‌ستخست.