تەقینەوەیەک لە عەفرین روویدا و قوربانی هەیە
K24 – هەولێر:
تەقینەوەیەک لە شاری عەفرینی رۆژئاوای کوردستان روویدا و بەگوێرەی زانیارییە سەرەتاییەکان دوو هاووڵاتی برینداربوون.
بەگوێرەی زانیارییەکانی کوردستان24، ئێوارەی رۆژی هەینی (5ـی کانوونی دووەمی 2024) لە شاری عەفرینی رۆژئاوای کوردستان بەهۆی تەقینەوەی بۆمبێکی چێندراو، دوو هاووڵاتی برینداربوون.
سەرچاوەیەکی ئاگادار بە کوردستان24ی ڕاگەیاند، بۆمبێکی چێندراو لە شەقامی راجۆ لە ناوەڕاستی شاری عەفرین تەقیوەتەوە و دوو هاووڵاتی برینداربوون و بۆ نەخۆشخانەی شارەکە گواستراونەتەوە.
تا ئێستا هیچ لایەنێک بەرپرسیارێتی خۆی لەو رووداوە رانەگەیاندووە و ئاماری قوربانییەکانیش بە فەرمی پشتڕاسنەکراوەتەوە.