بارەگای بارزانی لەبارەی پرسەی خوشکی سەرۆک بارزانییەوە راگەیەندراوێکی بڵاوکردەوە

K24 – هەولێر:

بارەگای بارزانی رایگەیاند، پرسەی خوشکی سەرۆک بارزانی لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەدەچێت.

رۆژی هەینی (23ـی شوباتی 2024) بارەگای بارزانی لە راگەیەنداروێکدا ئاماژەی بەوەکردووە: پرسەی خوشکی جەنابی سەرۆک بارزانی خوالێخۆشبوو (زەکیا مستەفا بارزانی) بە لە رۆژی شەممە (24ـی شوباتی 2024)ـەوە بۆ ماوەی سێ ڕۆژ لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەدەچێت.

لەبارەی کاتی پرسە، بارەگای بارزانی روونیکردووەتەوە، بەیانیان: كاتژمێر 10هەتا 12ـی پێشنیوەڕۆ و ئێواران: كاتژمێر 2 هەتا5ـی ئێوارە، پرسە لە شوێنی ئاماژەپێکراو بەڕێوەدەچێت.

دەقی راگەیەندراوەکەی بارەگای بارزانی

بەناوی خودای بەخشندە و میهرەبان

دوای كۆچی دوایی خوشکی جەنابی سەرۆک بارزانی خوالێخۆشبوو (زەکیا مستەفا بارزانی) بە جەماوەری خۆشەویستی كوردستان و گشت لایەك ڕادەگەیێنین كە پرسەی خوالێخۆشبوو (زەکیا مستەفا بارزانی) لە ڕۆژی شەممە 24ی شوباتی 2024ـەوە بۆ ماوەی سێ ڕۆژ لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەدەچێت لەم كاتانەدا:

بەیانیان: كاتژمێر 10هەتا 12ـی پێشنیوەڕۆ

ئێواران: كاتژمێر 2 هەتا5ـی ئێوارە

انا للە و انا الیە راجعون

بارەگای بارزانی

23ی شوباتی 2024