خەمیس خەنجەر سەرەخۆشی لە سەرۆک بارزانی دەکات

سەرۆک بارزانی و خەمیس خەنجەر
سەرۆک بارزانی و خەمیس خەنجەر

K24 – هەولێر:

سەرۆکی حزبی سیادە سەرەخۆشی لە سەرۆک بارزانی دەکات و بۆ کۆچی دوایی خاتوو زەکیا مستەفا بارزانی، پەیامێکی سەرەخۆشی بڵاوکردەوە.

رۆژی هەینی (23ـی شوباتی 2024) خەمیس خەنجەر، سەرۆکی حزبی سیادە پەیامێکی سەرەخۆشی بڵاوکردەوە و تێدا هاتووە: "پرسە و سەرەخۆشی لە ماڵباتی برامان سەرۆک مەسعود بارزانی دەکەین بۆ کۆچی دوایی خوشکی خوا لێخۆشبوویان (زەکیا مەلا مستەفا بارزانی) و داوا لە خوای گەورە  رەحمەتی خۆی بەسەر کۆچکردوو ببارێنێت و سەبر و ئاوامیش بە ماڵباتەکەی ببەخشێت".

سه‌رله‌به‌یانی ئه‌مڕۆ (هه‌ینی 23ـی شوباتی 2024) خاتوو زەکیا مستەفا بارزانی، خوشكی سه‌رۆك بارزانی به‌ نه‌خۆشی كۆچی دوایی كرد. 

دواتریش بارەگای بارزانی لە راگەیەنداروێکدا ئاماژەی بەوەکردووە: پرسەی خوشکی جەنابی سەرۆک بارزانی خوالێخۆشبوو (زەکیا مستەفا بارزانی) بە لە رۆژی شەممە (24ـی شوباتی 2024)ـەوە بۆ ماوەی سێ ڕۆژ لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەدەچێت.

لەبارەی کاتی پرسە، بارەگای بارزانی روونیکردووەتەوە، بەیانیان: كاتژمێر 10هەتا 12ـی پێشنیوەڕۆ و ئێواران: كاتژمێر 2 هەتا5ـی ئێوارە، پرسە لە شوێنی ئاماژەپێکراو بەڕێوەدەچێت.

0