هیوا گهیلانی: پارتی رادهستی خواست و ئیرادهی بڕیارهكانی دادگای فیدڕاڵی نابێت
K24 - هەولێر:
ئهندامێكی كۆمیتهی ناوهندی پارتی دیموكراتی كوردستان ئاماژه بهوه دهكات، كڕۆكی راگهیهندراوهكهی ئهمڕۆی پارتی بریتییه لهوهی پارتی رادهستی خواست و ئیرادهی بڕیارهكانی دادگای فیدڕاڵی نابێت. دهشڵێت، بڕیارهكه كاریگهری بهسهر كۆی پڕۆسهی سیاسی له عێراق دهبێت.
ئهمڕۆ (دووشهممه 18ـی ئاداری 2024) هیوا گهیلانی، ئهندامی كۆمیتهی ناوهندی پارتی دیموكراتی كوردستان به كوردستان24ـی راگهیاند، كڕۆكی راگهیهندراوهكهی ئهمڕۆی پارتی دیموكراتی كوردستان بریتییه لهوهی پارتی رادهستی خواست و ئیرادهی بڕیارهكانی دادگای فیدڕاڵی نابێت كه پێشێلكاری ئاشكرا و روونی بهرامبهر دهستوور و به ههرێمی كوردستانی تێدایه.
هیوا گهیلانی ئاماژهی بهوهش كرد، ههرێمی كوردستان و پارتی دیموكراتی كوردستان ژمارهیهكی حیساببۆكراون لهسهر ئاستی هاوكێشه عێراقی و ههرێمی و ناوچهیی و نێودهوڵهتییهكان، بۆیه ههر بڕیارێكی، كاریگهری بهسهر كۆی پڕۆسهی سیاسی له عێراق دهبێت.
ئهو ئهندامهی كۆمیتهی ناوهندی پارتی دیموكراتی كوردستان باسی لهوهش كرد، بڕیارهكهی ئهمڕۆی پارتی له چهند كاتژمێری رابردوودا كاردانهوه و دهنگدانهوهی عێراقی و عهرهبی و جیهانی بهدوای خۆیدا هێنا.
ناوبراو گوتیشی، دادگای فیدڕاڵی له بری چارهسهركردنی كێشهكانی عێراق، بهڵكو بووهته هۆكاری دروستبوونی كێشهی جۆراوجۆر بهتایبهت دژی ههرێمی كوردستان.
ئەمڕۆ دووشەممە، 18-03-2024، مەکتەبی سیاسیی پارتی دیموکراتی کوردستان بەیاننامەیەکی لەبارەی دۆخی ئێستای عێراق، پەیوەندییەکانی هەولێر و بەغدا، هەڵبژاردنی پەرلەمانی کوردستان، بڕیارەکانی دادگای فیدراڵی و چەند پرسێکی دیکە بڵاوکردەوە.
مەكتەبی سیاسی پارتی دیموكراتی كوردستان دەڵێت، "لایەنەکانی هاوپەیمانی ئیدارەی دەوڵەت دەخەینە بەردەم بەڕپرسیارێتیی نیشتمانی لە جێبەجێنەکردنی دەستوور و تەواوی خالەکانی رێککەوتنی سیاسی و ئیداریی پێکهێنانی کابینەی ئێستای حکومەتی عێراق بە سەرۆکایەتیی محەممەد شیاع سوودانی، بەپێچەوانەشەوە ناتوانین بەردەوام بین لە پڕۆسەی سیاسی دا".
مەكتەبی سیاسی پارتی ئاماژەی بەوەش کردووە، "لە سۆنگەی تێگەیشتنمان لە پێگە و بەرپرسیارێتی مێژووییمان لە پاراستنی مافە ڕەواكانی گەلی كوردستان و سیستەمی دیموكراسی و فيدراڵی عێراق، هەروەها ڕەوایی نەدان بە هەڵبژاردنێكی نا دەستووری و نا دیموكراسی، و وەستانەوە لە بەرامبەر سەرجەم ئەو پێشێلکاریانەی دەستوور کە لەلایەن دادگای باڵای فیدراڵییەوە بەرامبەر هەرێمی کوردستان و دامەزراوە دەستورییەکانی ئەنجام دەدرێت بەگشتی، و سەپاندنی هەموارە نادەستوریەكانی یاسای هەڵبژاردنی خولی شەشەمی پەرلەمانی کوردستان بەتایبەتی، بە بەرژەوەندی گەل و نیشتمانەکەمانی دەزانین كە پارتیمان نەچێتە ژێر باری پەسەندکردنی بریاری نادەستووریی و سیستەمێکی سەپێنراو لە دەرەوەی ئیرادەی گەلی هەرێمی كوردستان و دامەزراوە دەستوورییەکانی و بەشداری هەڵبژاردنێک نەكات کە بە نایاسایی و نادەستوری و لەسایەی سیستەمیکی سەپێنراودا بەڕێوەبچێت".