کۆشکی سپی: قبووڵ ناکەین دەروازەی ڕەفح و کەرەم ئەبو سالم بە داخراوی بمێننەوە

K24- هەولێر

کۆشکی سپی جەخت لەوە دەکاتەوە داخستنی دەروازەی ڕەفح و کەرەم ئەبو سالم لەلایەن ئیسرائیلەوە جێی ڕەزامەندیی نییە.

ڕۆژی سێشەممە(7 ی ئایاری 2024)، کارین جان، گوتەبێژی کۆشکی سپی بۆ ڕۆژنامەنووسان گوتی، ئەو دوو دەروازەیەی کە داخراون دەبێت بکرێنەوە، قبوڵ ناکرێت ئەو دەروازانە دابخرێن،" وتیشی چاوەڕوان دەکرێت ڕۆژی چوارشەممە دەروازەی کەریم شالۆم دووبارە بکرێتەوە.

ئیسرائیل ڕایگەیاند، سوپاکەی کۆنترۆڵی خاڵی سنووریی ڕەفحی لەگەڵ میسر کردووە، ڕۆژی یەکشەممە حەماسیش ڕایگەیاند، موشەکیان ئاراستە شوێنێکی سەربازیی نزیک غەززە کردووە و چوار سەربازی ئیسرائیلیان کوشتووە.