ئاسایشی دهۆک دەستی بەسەر چەندین دەرمانی نایاسایی و قاچاغدا گرت
K24 – هەولێر:
ئاسایشی پارێزگای دهۆک ڕایگەیاند، بە مەبەستی پاراستنی بەرژەوەندیی گشتی و گیانی هاووڵاتییان، لە کۆمەڵگەیەکی پزیشکی دەست بەسەر چەندان جۆری دەرمانی نایاسایی و قاچاغدا گیرا.
ئاسایشی پارێزگای دهۆک لەمیانی ڕاگەیاندراوێکدا ئاشکرای کرد، لە دوای گەیشتنی زانیاریی لەسەر گومانی بوونی دەرمانی نایاسایی و قاچاغ لە کۆمەڵگەیەکی پزیشکی و فرۆشتنی بە هاووڵاتییان، هێزێکی هاوبەش لەلایەن بەڕێوەبەرایەتیی ئاسایشی دهۆک و لێژنەی کوالێتی کۆنترۆڵی دەرمان (KMC) پێک هێنران بۆ مەبەستی بەدواداچوون و پشکنینی کۆمەڵگە پزیشکییەکە.
لە ڕاگەیەندراوەکەدا هاتووە، لەسەر فەرمانی دادوەر، پشکین بۆ کۆمەڵگە پزیشکییەکە کرا و دەرکەوت بڕێکی زۆر لە دەرمانی نایاسایی و قاچاغی لێ دەفرۆشرێت، ڕاستەوخۆ لەلایەن هێزەکانی ئاسایشەوە دەست بەسەر سەرجەم دەرمانەکاندا گیرا.
ئاساشی پارێزگای دهۆک سەرجەم ئەو کەسانەشی دەستگیر کرد کە دەرمانەکانیان دەفرۆشت و پەڕاوی لێکۆڵینەوەیان بۆ کراوەتەوە.
.jpeg)
