پاسێکی قوتابییان لەسەر ڕێگەی کفری-کەلار وەرگەڕا؛ چوار قوتابی مردوون

K24 - هەولێر

پاسێکی قوتابییان لەسەر ڕێگەی کفری-کەلار وەرگەڕا و لە ئەنجامدا 11 قوتابی بوونە قوربانی.

دوانیوەڕۆی ئەمڕۆ سێشەممە، 14-05-2024، پاسێکی قوتابییان لەسەر ڕێگەی کفری-کەلار وەرگەڕا و بەهۆیەوە چوار قوتابی مردن و حەوتی دیکەش برینداربوون.

بە گوێرەی زانیارییەکانی هەرێم جاف، پەیامنێری کوردستان24 لە گەرمیان، پاسەکە قوتابییانی قوتابخانەی ئامادەیی باكووری کچانی سەر به كەلاری بە مەبەستی گەشتێکی زانستی بردبووە کفری و لە کاتی گەڕانەوەی، وەرگەڕاوە.

پەیامنێری کوردستان24 ئاماژەی بەوەش کرد، بریندارانی ڕووداوە هاتووچۆوەکە کە حەوت قوتابین، بۆ نەخۆشخانەی کەلار گواستراونەتەوە.

بە گوێرەی ئامارەکان، ساڵی 2022 سێ هەزار و 706 رووداوی هاتوچۆ  لە هەرێمی کوردستان ڕوویانداوە؛ لە ئەنجامدا 445 کەس گیانیان لەدەستداوە و حەوت هەزار و 250 کەسیش بریندار بوون.