گەرمیان.. ژمارەیەک هاووڵاتی لەسەر ڕاوی گورگ دەستگیر کران
![گورگ](https://d2wqffb2bc8st5.cloudfront.net/images/May-2024/1716489409img_20240523_161406_696.jpg)
K24 – هەولێر:
پۆلیسی دارستان و ژینگەی گەرمیان ڕایگەیاند، چوار هاووڵاتیی کە دوو گورگی کوژراویان پێ بوو، دەستگیر کران.
ئەمڕۆ پێنجشەممە (23ـی ئایاری 2024) بەڕێوەبەرایەتیی پۆلیسی دارستان و ژینگەی گەرمیان، لەمیانەی ڕاگەیەندراوێکدا ئاماژەی بەوەدا، لە بازگەی کفری چوار تۆمەتبار دەستگیر کران کە دوو گورگی کوژراویان پێ بوو.
لە ڕاگەیەندراوەکەدا هاتووە، ئێستا تۆمەتبارەکان بەند کراون و پەڕاوی لێکۆڵینەوەیان بۆ کراوەتەوە.