سەرۆکوەزیران مەسرور بارزانی: لە کابینەی نۆیەمدا وەبەرهێنانی کشتوکاڵی لە سەدا 1.5 بۆ سەدا 10 زیاد بووە
K24 – هەولێر:
سەرۆکی حکوومەتی هەرێمی کوردستان لەبارەی دەستکەوتەکانی کابینەی نۆیەم لە کەرتی کشتوکاڵ ڕایگەیاند، "وەبەرهێنانی کشتوکاڵی لە 1.5% بۆ 10% زیاد بووە و کاری زیاتریش دەکەین".
سێشەممە، 11ـی حوزەیرانی 2024، مەسرور بارزانی، سەرۆکی حکوومەتی هەرێمی کوردستان لە هەژماری خۆی لە تۆڕی کۆمەڵایەتی ئێکس لەبارەی دەستکەوتەکانی کابینەی نۆیەم لە کەرتی کشتوکاڵدا ڕایگەیاند، بەروبوومی هەنار، سێو و هەنگوین خرانە بازاڕی وڵاتانی کەنداو.
هاوکات ئاماژەی بەوە دا، لەم کابینەیەدا مۆڵەت درا بە کۆمپانیای پاکێجکردن و بەرهەمهێنانی هێلکە و ماست و شیر و زەیتی زەیتون و چەندانی دیکە.
سەرۆکی حکوومەتی هەرێمی کوردستان، گوتی: وەبەرهێنانی کشتوکاڵی لە 1.5% بۆ 10% زیاد بووە و کاری زیاتریش دەکەین".
دەستکەوتەکانی ئەم کابینەیە لە کەرتی کشتوکاڵدا:
— Masrour Barzani (@masrourbarzani) June 11, 2024
• زیادبوونی وەبەرهێنانی کشتوکاڵی لە 1.5% بۆ 10%
• مۆڵەت دان بە کۆمپانیای پاکێجکردن و بەرهەمهێنانی هێلکە و ماست و شیر و زەیتی زەیتون و چەندانی دیکە
• بەروبوومی هەنار و سێو و هەنگوین خرانە بازاڕی وڵاتانی کەنداو
کاری زیاتریش دەکەین.