هۆمڵز ماڵئاوایی لە دۆرتمۆند كرد

ماتس هۆمڵز لە دوایین یاری بە درێسی دۆرتمۆند لە یاریی كۆتایی چامپیۆنزلیگی 2024
ماتس هۆمڵز لە دوایین یاری بە درێسی دۆرتمۆند لە یاریی كۆتایی چامپیۆنزلیگی 2024

یانه‌ی بۆرووسیا دۆرتمۆندی ئه‌ڵمانی له‌ به‌یاننامه‌یه‌كی فه‌رمی رایگه‌یاند ماتس هۆمڵێز گرێبه‌سته‌كه‌ی له‌گه‌ڵ یانه‌كه‌ كۆتایی هات و دۆرتمۆند به‌جێده‌هێڵێت.
بۆرووسیا دۆرتمۆند رایگه‌یاندووه‌ دوای 13 ساڵ یارییكردن له‌ ریزه‌كانی یانه‌كه‌یان ماتس هۆمڵێز بڕیاریداوه‌ یانه‌كه‌یان جێبهێڵێت.
ماتس هۆمڵز به‌ پێگه‌ی یانه‌كه‌ی رایگه‌یاند، شه‌ره‌فێكی گه‌وره‌بوو 13 ساڵ درێسی دۆرتمۆندی پۆشیوه‌ و دەشڵێت: بیر له‌ وازهێنان له‌ یارییكردن ناكەمەوە و و وه‌رزی داهاتوو له‌ یانه‌یه‌كی دیكه‌ به‌رده‌وام ده‌بم.
ماتس هۆمڵز له‌ ساڵی 2008 له‌ بایرن میونشنه‌وه‌ په‌یوه‌ندی به‌ دۆرتمۆنده‌وه‌ كرد و تا ساڵی 2016 له‌و یانه‌یه‌ بوو دواتر گه‌ڕایه‌وه‌ بۆ بایرن میونشن و له‌ كۆتایش ساڵی 2019 گه‌ڕایه‌وه‌ دۆرتمۆند و بەشداریی یاریی كۆتایی چامپیۆنزلیگی ئەمساڵیشی كرد.
ماتس هۆمڵزی تەمەن 35 ساڵ، لەگەڵ یانەی بورووسیا دۆرتمۆند بەشداریی لە 508 یاریی كردووە، 38 گۆڵ و 23 ئاسیستی هەیە و حەوت نازناویشی لەگەڵ زەردەواڵەكان بردووەتەوە.

.