45 هەزار تۆن گەنم لە سایلۆکانی سلێمانی وەرگیراوە

وەرگرتنی گەنم لە سایلۆی پیرەمەگرون - پارێزگای سلێمانی
وەرگرتنی گەنم لە سایلۆی پیرەمەگرون - پارێزگای سلێمانی

هەر شەش سایلۆکەی سنووری پارێزگای سلێمانی بۆ درێژەدان بە وەرگرتنی گەنمی جوتیاران گەڕانەوە سەر کار و بەڕێوەبەری سایلۆکانیش دەڵێ: بۆ ئەوەی کرێ و خەرجییەکی زیاتر لە سەر جووتیاران نەکەوێت و زیاتر لەبەردەم سایلۆکان چاوەڕوان نەکەن، تەواوی ستافەکانمان گەڕاونەتەوە دەوامی ئاسایی.

نەسرین ئەحمەد گوتیشی: تاوەکوو ڕۆژی عەرەفە لە سایلۆکانی سلێمانی 45 هەزار تۆن گەنم وەرگیراوە و سەرەتای هەفتەی داهاتووش ڕوون دەبێتەوە ئاخۆ ئەو بەشە شایستە داراییەی جووتیاران خراوەتە سەر هەژماری بەڕێوەبەرایەتیی سایلۆکانی سلێمانی چەندە کە بڕیارە سێ ملیار دینار بێت.

هەروەها ڕاشیگەیاند، 20 ملیار دیناری دیکەش بڕیارە بخرێتە سەر هەژمارەکە بۆ ئەوەی بە سەر ئەو جووتیارانە دابەش بکرێت کە گەنمەکانیان کڕدراوە، ڕۆژانە چەکی پارەی جووتیاران ئامادە دەکرێت.