هەولێر و نەورۆز گڕیان لە نەفتی میسان و نەفتی بەغدا بەردا

ئاهەنگی سەركەوتنی گۆڵی نەورۆز و ئاهەنگی گۆڵی سەركەوتنی گۆڵی هەولێر
ئاهەنگی سەركەوتنی گۆڵی نەورۆز و ئاهەنگی گۆڵی سەركەوتنی گۆڵی هەولێر

لە خولی ئەستێرەكانی عێراق، یانەی هەولێر دوای 111 ڕۆژ  دوای ئەوەی لە نێو یاریگەی خۆی بە دوو گۆڵی بێوەڵام لە یانەی نەفتی میسانی بردەوە و یەکەمین سەرکەوتنی خۆی بەدەست هێنا؛ یانەی نەورۆزیش لە دەرەوەی یاریگەی خۆی شكستی بە نەفتی بەغدا هێنا.

هەولێر جەژنانەی خۆی پێشكەشی هاندەران كرد
 چوارشەممە، 19 حوزەیرانی 2024، لە گەڕی 33ـی خولی ئەستێرەكانی عێراق، یانەی هەولێر، لە نێو یاریگەی فرەنسۆ هەریری میوانداریی یانەی نەفتی میسانی كرد، هەولێر یارییەكەی بە دوو گۆڵی محەمەد قاسم و بارزان شێرزاد بردەوە، ئەمەش دووەمین سەركەوتنی هەولێر بوو بە سەرپەرشتی  راهێنەری نوێی یانەكە سەمیر بابۆی. بەو پێیەی پێش 24 رۆژ لەمەوبەر یەكەمین سەركەوتنی هەولێر لەگەڵ سەمیر بابۆ بەرامبەر ئەمانەی بەغدا بوو.
هەولێر دوای ئەم سەركەوتنە، دەبێت ئامادەكاریی بكات بۆ ئەوەی ڕۆژی یەكشەممەی داهاتوو لە دەرەوەی یاریگەی خۆی لە یاریی كلاسیكۆی كوردستان ڕووبەڕووی یانەی دهۆك ببێتەوە.
هەولێر لە كۆی 33 یاریی ئەم وەرزە 8 یاریی بردووەتەوە، 13 دۆڕان و 12 بەرامبەربوونی هەیە و بە كۆكردنەوەی 33 خاڵ لە خانەی چواردەیەم مایەوە.

.

 

نەورۆز گڕی لە نەفتی میسان بەردا
یانەی نەورۆز لە یاریگەی ئەحمەد ڕازی لە بەغدا، رووبەڕووی یانەی نەفت بووەوە، سوورپۆشەكانی سلێمانی یارییەكەیان بە تاكە گۆڵێكی مەروان حوسێن بردەوە. بەمەش چواردەمین سەركەوتنیان لەم وەرزە تۆمار كرد و ژمارەی خاڵەكانیان گەیاندە 51 خاڵ و بەشێوەیەكی كاتی بۆ پلەی شەشەمی ڕیزبەندی خولی ئەستێرەكانی عێراق سەركەوتن.
یانەی نەورۆز دوای ئەم یارییە دەگەڕێتەوە شاری سلێمانی و خۆی بۆ میوانداریی یانەی نەجەف ئامادە دەكات كە بڕیارە یارییەكەیان ڕۆژی 27ـی ئەم مانگە بەڕێوە بچێت.

.