دهۆک.. لە ڕۆژانی جەژندا 178 منداڵ لە دایک بوون و 17 هاووڵاتیش مردوون
بە گوێرەی ئامارەکانی بەڕێوەبەرایەتیی گشتیی تەندروستیی دهۆک، لە ڕۆژانی جەژنی قورباندا 178 منداڵ لە دایک بوون و 17 هاووڵاتیش گیانیان سپاردووە.
بە گوێرەی ئەو ئامارانەی بەڕێوەبەرایەتیی گشتیی تەندروستیی دهۆک تایبەت بە ڕۆژانی جەژنی قوربان، واتا لە ڕۆژانی 16-06 بۆ 20-06-2024 بڵاوی کردوونەتەوە، لەو چوار ڕۆژەدا 178 منداڵ (87 کوڕ و 91 کچ) لە دایک بوون.
بە گوێرەی هەمان ئامار، لە ڕۆژانی جەژنی قورباندا 12 هەزار و 156 هاووڵاتی سەردانی نەخۆشخانە و بنکە تەندروستییەکانی سەر بە بەڕێوەبەرایەتیی گشتیی پارێزگای دهۆکیان کردووە، 17 هاووڵاتیی گیانیان سپاردووە و 652 نەخۆشی دیکەش خەوێنراون.
وەکو ئەوەی ئاماژەی پێ کراوە، لەو ماوەیەدا، گورچیلەی 201 هاووڵاتیی لە بنکە تەندروستییەکان شۆردراون و 143 نەخۆشی دیکەش چارەی کیمیاییان وەرگرتووە. هاوکات نەشتەرگەریی "قەستەرەی دڵ" بۆ 12 نەخۆش کراوە.