کەشناسیی: پلەکانی گەرما بەرزدەبنەوە

ئەمرۆ هەینی 5ـی تەمموزی 2024، بەشی پێشبینی لە بەڕێوەبەرایەتی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن ڕایگەیاند، کەشوهەوای ئەمڕۆ هەینی ئاسمان ساماڵ دەبێت پلەکانی گەرما لە دوێنێ بەرزتر دەبێتەوە، هەروەها کەشوهەوای سبەی شەممە، ئاسمان ساماڵ دەبێت و پلەکانی گەرما نزیک دەبێتەوە لە تۆمارکراوەکانی ئەمڕۆ هەینی.

بەرزترین پلەکانی گەرمای پێشبینیکراو بە پلەی سیلیزی :

هەولێر : 44

سلێمانی : 41

دهۆک : 43

کەرکووک : 46

هەڵەبجە : 44

زاخۆ : 43

سۆران : 41

حاجی ئۆمەران : 32

گەرمیان : 48

لەلایەکی دیکەوە ده‌سته‌ی كه‌شناسی عێراقی ره‌وشی كه‌شوهه‌وای چه‌ند رۆژی داهاتووی بڵاوكردووه‌ته‌وه ‌و رایگه‌یاندووه‌، پێشبینی هاتنی شه‌پۆلێكی خۆڵبارین و دابه‌زینی پله‌كانی گه‌رما ده‌كه‌ن.

كه‌شناسی عیراق ئاماژه‌ی به‌وه‌كردووه‌، كه‌شوهه‌وای رۆژی شه‌ممه‌ ساماڵ و گه‌رم ده‌بێت و پله‌كانی گه‌رما له‌چه‌ند ناوچه‌یه‌كی ناوه‌ڕاستی وڵات داده‌به‌زن و له‌ باشوور و باكووری وڵاتیش پله‌كانی گه‌رما وه‌ك رۆژانی پێشوو ده‌بن.

راشیگه‌یاندووه‌، رۆژی سێشه‌ممه‌ی داهاتوو جارێكی دیكه‌ پله‌كانی گه‌رما به‌زر ده‌بنه‌وه‌.