لە هێرشێکی مووشەکی بۆ سەر ئیسرائیل لانیکەم 11 کەس کوژران
K24 – هەولێر:
بەهۆی هێرشێکی مووشەکی بۆ سەر یاریگەیەکی تۆپی پێ لە شاری مەجدەل شەمسی بەرزاییەکانی جۆلان لانیکەم 11 کەس کوژران.
کەناڵی 13ی ئیسرائیلی ڕایگەیاند، بەهۆی هێرشێکی مووشەکی بۆ سەر یاریگەیەکی تۆپی پێ لە شاری مەجدەل شەمسی بەرزاییەکانی جۆلان لانیکەم 11 کەس کوژران و زیاتر لە 30 دیکەش برینداربوون.
ئیسرائیل حزبووڵڵای لوبنانی بە ئەنجامدانی هێرشەکە تۆمەتبار کردووە و حزبووڵڵاش ڕەتی دەکاتەوە هیچ پەیوەندییەکیان بە هێرشەکەی مەجدەل شەمسەوە هەبووێت.
نووسینگەی بنیامین ناتانیاهۆ، سەرۆکوەزیرانی ئیسرائیل، هەر زوو ڕاگەیەندراوێکی بڵاو کردەوە و ڕایگەیاند: زۆر بە توندی وەڵامی هێرشەکە دەدەنەوە.