جووتیارانی تورکیا ناڕازین و بەرهەمەکانیان فڕێ دەدەنە سەر شەقامەکان
هەفتەیەکە جووتیاران لە تورکیا ناڕەزایەتی بەرامبەر بەرزبوونەوەی تێچووی بەرهەمهێنان دەردەبڕن و لە چەند پارێزگایەک بەرهەمەکانیان فڕێ دەدەنە سەر شەقامەکان.
لە پارێزگاکانی وەک بورسا و بالکئەسیری تورکیا ماوەی هەفتەیەکە جووتیاران ناڕەزایەتی دەردەبڕن.
جووتیارانی تورکیا ئاماژە بەوە دەکەن کە بەهۆی بەرزبوونەوەی تێچووی بەرهەمهێنان ناچار بوون بەرهەمەکانیان گران بکەن و ئەوەش وایکردووە بازاڕی بەرهەمەکانیان لاواز بێت و خەڵک لێیان نەکڕن.
بەگوێرەی ئەو گرتانەی لە تۆڕە کۆمەڵایەتییەکان بڵاوکراونەتەوە، جووتیاران ڕژدن لەسەر بەردەوامبوونی ناڕەزاییەکانیان تا ئەو کاتەی وەزیری کشتوکاڵ بە دەنگیانەوە دێت.