ئەندازەی پارکەکان: ژینگەی هەولێر پێویستی زیاتری بە سەوزایی هەیە
بەڕێوەبەرایەتی ئەندازەی پارکەکانی هەولێر ئاشکرای دەکات ژینگەی هەولێر پێویستی زیاتری بە سەوزایی هەیە، بۆیە داوای لە هاووڵاتییان کرد بەشداریی لە زیادکردنی ڕێژەی سەوزایی بکەن.
دووشەممە 12ـی ئابی 2024، بەڕێوەبەرایەتی ئەندازەی پارکەکانی هەولێر ڕایگەیاند: تیمەکانیان بەهەردوو کاتی جیاوازی بەیانیان و ئێواران خزمەتی کردنی پارکەکان دەکەن، دەڵێت: ژینگەی هەولێر پێویستی زیاتری بە سەوزایی هەیە و داواکارین هاووڵاتیان بەشدار بن لە زیاتر کردنی ڕێژەی سەوزایی بە چاندنی دار لە پێش ماڵەکانیان.
بەڕێوەبەرایەتی ئەندازەی پارکەکانی هەولێر بە هاووڵاتییان دەڵێت: بۆ زیادکردنی ڕێژەی سەوزایی لەو هەولێر، هاوکاریی هاووڵاتییان دەکەن بە دابین کردنی دار و ڕێنمایی کردنیان بۆ زیادکردنی سەوزایی.