پێنج یاریزانی کورد بانگهێشتی کەمپی مەشقیی هەڵبژاردەی عێراق کران
لیستی سەرەتایی هەڵبژاردەی عێراق بۆ کەمپە مەشقییەکەی دەوحە بڵاوکرایەوە و پێنج یاریزانی کورد لە لیستەکەدا دەبینرێن.
خیسۆس کاساس راهێنەری هەڵبژاردەی عێراق بانگهێشتی 21 یاریزانی کردووە بۆ بەشداریکردنی لە کەمپی مەشقی هەڵبژاردەکە لە دەوحەی قەتەر، بەمەبەستی ئامادەکاریی بۆ یارییەکانی داهاتووی عێراق لە پاڵاوتنەکانی مۆندیال.
لە لیستەکەدا 5 یاریزانی کورد دەبینرێن کە بریتین لە: ئاکام هاشم، رێبین سۆلاقا، پاشانگ عەبدوڵلا، ئوسامە رەشید و هێران ئەحمەد"
یاریزانەکانی دیکە بریتین لە: جەلال حەسەن، حوسێن حەسەن، عەلی کازم، مستەفا سەعدوون، سەفا هادی، ئەمجەد عەتوان، حەسەن عەبدولکەریم، لوئەی ئەلعانی، ئەمحمەد یەحیا، مەناف یونس، ئەحمەد مەکەنزی، سەعد ناتق، زیاد تەحسین، محەمەد ئەلتائی، محەمەد قاسم، موهەنەد عەلی.
بڕیارە هەڵبژاردەی عێراق لە پێنجی مانگی داهاتوو لە قۆناغی سێیەمی پاڵاوتنەکان رووبەڕووی عومان ببێتەوە و دوای پێنج رۆژیش لەو یارییە بەرامبەر کوێت یاریی دەکات.