حهماس تهلئهڤیڤ مووشهكباران دهكات
كهتیبهكانی قهسامی سهر به بزووتنهوهی حهماس ڕایدهگهیهنێت، له تۆڵهی كۆمهڵكوژییهكانی ئیسرائیل، به دوو مووشهكی جۆری "M90" هێرشیان كردووهته سهر تهلئهڤیڤ و دهوروبهری.
ڕۆژی سێشهممه، 13ـی ئابی 2024، كهتیبهكانی قهسامی سهر به بزووتنهوهی حهماسی فهڵهستین ڕایگهیاند، له تۆڵهی كۆمهڵكوژییهكانی ئیسرائیل بهرانبهر به خهڵكی غهززه و كۆچپێكردنی به زۆری گهلی فهڵهستین، به دوو مووشهكی جۆری "M90" هێرشیان كردووهته سهر تهلئهڤیڤ و دهوروبهری.
سهركردهیهكی سهربازی قهسام ههروهها ئاماژهی بهوه كردووه، ههردوو مووشهكهكه لهو شوێنانه بوو كه ئۆتۆمبیله سهربازییهكانی ئیسرائیلی لێ بووه.
هاوكات، كهناڵی 13ـی ئیسرائیل سهرنجی بۆ ئهوه ڕاكێشاوه، دهنگی چهند تهقینهوهیهك له تهلئهڤیڤ بیستراوه، كه ڕهنگه ئهنجامی مووشهكهكانی قهسام بێت.
له لایهكی دیكهوه چهند سهرچاوهیهكی مێدیایی باس لهوه دهكهن، ههردوو مووشهكهكه له كهنارهكانی نزیك تهلئهڤیڤ كهوتوونهته خوارهوه.
له لای خۆیهوه سوپای ئیسرائیل ڕوونی كردووهتهوه، یهكێك له مووشهكهكان له كهنارهكانی نزیك تهلئهڤیڤ كهوتووهته خوارهوه و ئهویدیكهیش نهگهیشتووهته سنوورهكانی ئیسرائیل.
سێشهممه، 13ـی ئابی 2024، وهزارهتی تهندروستیی غهززه ڕایگهیاند، تادێ بههۆی هێرشهكانی سوپای ئیسرائیل بۆ سهر كهرتی غهززه ژمارهی كوژراوان و برینداران زیاتر دەبن و له ههمان كاتدا دانیشتووان تووشی برسییهتیی و نههامهتیی سەخت بوونە.
وهزارهتی تهندروستیی غهززه ئاماژهی بهوه كرد، بههۆی هێرشه بهردهوامهكانی ئیسرائیلهوه ژمارهی كوژراوان بۆ 39 ههزار و 929 كهس بهرز بووهتهوه، هاوكات ژمارهی برینداران گهیشتووهته 92 ههزار و 240 كهس. ڕوونیشی كردووهتهوه 70%ـی قوربانییهكان منداڵ و ئافرهتن.
ڕۆژی شەممە، 10ـی ئابی 2024، مێدیا فەڵەستینییەکان ڕایانگەیاند، لە هێرشێکی ئیسرائیل لە کاتی نوێژی بەیانیدا بۆ سەر قوتابخانەیەک لە گەڕەکی دەراج، لە ناوەڕاستی شاری غەززە، زیاتر لە 100 فەڵەستینی کوژران و دەیان کەسیش بریندار بوون.
سوپای ئیسرائیل ڕایگەیاند "بۆمبارانی ژمارەیەک چەکداریان کردووە کە ئەو قوتابخانەیەیان لە ناوەڕاستی گەڕەکەکە، وەک پەناگە بەکار دەهێنا".
بەرەبەیانی چوارشەممە، 31ـی تهممووزی 2024، بزووتنەوەی حەماس لە ڕاگەیەندراوێکدا کوژرانی ئیسماعیل هەنییە، بەرپرسی مەکتەبی سیاسیی بزووتنەوەکە و پاسەوانێکی، لە ئەنجامی هێرشێکی ئیسرائیل لە تاران، ڕاگەیاند.
حەماس ئەوەشی خستە ڕوو، ئیسماعیل هەنییە دوای بەشداریی لە رێوەڕەسمی دەستبەکاربوونی سەرۆککۆماری نوێی ئێران، چووەتە شوێنی مانەوەی لە تاران و دواتر تیرۆر کراوە.
ڕۆژی شهممه 29ـی حوزهیرانی 2024، کەرتی چاکسازیی خاوەن پێداویستییە تایبەتەکان لە تۆڕی ڕێکخراوە ناحکوومییەکانی فەڵەستین هۆشداری دا له بهردهوامی هێرشهكانی ئیسرائیل بۆ سهر كهرتهكه.
کەرتی چاکسازیی خاوەن پێداویستییە تایبەتەکان لە تۆڕی ڕێکخراوە ناحکوومییەکانی فەلەستین ڕایگهیاند، تا ئێسته له ئهنجامی هێرشهكانی ئیسرائیلدا زیاتر له 10 ههزار كهس كه نیوهیان منداڵن كهمئهندام بوونه.
ڕۆژی 7ـی ئۆکتۆبەری 2023، چەکدارەکانی بزووتنەوەی حەماس هێرشێکی بەرفراوانیان کردە سەر ئیسرائیل، لە هێرشەکەدا زیاتر لە هەزار و 400 ئیسرائیلی کوژران و سەدانی دیکەش بریندار بوون، هاوکات 240 هاووڵاتیی ئیسرائیل وەکوو بارمتە لەلایەن حەماسەوە دهستبهسهر كران.