فڕۆکە جەنگییەکانی تورکیا گوندی باسەوێی سەر بە قەزای ماوەتیان بۆردومان کرد
K24 – سلێمانی:
گوندی باسەوێی سەر بە قەزای ماوەت لەلایەن فرۆكە جەنگیەكانی توركیاوە بۆردومان كرا.
كامەران حەسەن، قایمقامی قەزای ماوەت لە لێدوانێكی تایبەتی بۆ كوردستان24ـدا، ڕایگەیاند: كەمێك پێش ئێستا گوندی باسەوێ بۆردومان كرا، بەڵام هیچ زیانێکی گیانی نەبووە، گوندی باسەوێ 15 كیلۆمەتر لە قەزای ماوەتەوە دوورە.
بەهۆی بوونی چەکدارانی پەکەکە لەناوچەکە، لە ماوەی رابردوودا چەندین جار ناوچەکە بۆردومانکراوە و زیانی گیانی و ماددی زۆر بە دانیشتووانی گوند و شارۆچکەکانی ناوچە سنوورییەکان گەیشتووە.