نیشانشكێنهكانی داعش 15 منداڵ دهكوژن
K24 – ههولێر:
ئهفسهرێكی سوپای عێراق رایگهیاند" له دوو رۆژی رابردوودا بههۆی تهقهی نیشانشكێنهكانی داعش له شاری موسڵ"15" منداڵ كوژراوون.
مولازمی یهكهم "نزهان قاسم" ئهمڕۆ پێنج شهممه به ئاژانسی ئهنادۆڵوی توركی رایگهیاندووه" نیشانشكێنهكانی داعش ژمارهیهكی زۆر له منداڵانیان به نیشان گرتووه و له ماوهی دوو رۆژی رابردوودا لهو كاتهی منداڵانی شاری موسڵ لهگهڵ كهسوكاریان رایانكردووه و گهڕهكهكانی شارهكه جێهێشتووه، له لایهن نیشانشكێنهكانی داعشهوه تهقهیان لێكراوه "15" منداڵ كوژراوون.
ئهو ئهفسهره ههروهها گوتوویهتی" ئامانجی چهكدارانی داعش له كوشتنی منداڵان ئهوهیه ترس و دڵهڕاوكێ له ناو خێزانهكانی موسڵ بڵاوبكهنهوه، تاوهكو بیر لهوه نهكهنهوه رابكهن و شارهكه جێبهێڵنو دهیانهوێت وهك قهڵغانی مرۆیی بهكاریان بهێنن.
له سهرهتای دهستپێكردنی ئۆپهراسیۆنی سهربازی سهر شاری موسڵ نهتهوه یهكگرتووهكان رایگهیاند و هۆشداریدا كه چهكدارانی داعش خهڵكی سڤیلی شارهكه وهك قهڵغانی مرۆیی بهكاردههێنێت بۆ ئهوهی رێگه له پێشڕهوی هێزه عێراقییهكان بگرێت.
ئهیاد رافد ئهندامی كۆمهڵهی مانگی سووری عێراقی رایگهیاندووه: تهنها له ماوهی دوو رۆژی رابردوودا 2150 كهس كه له نێویاندا ژن و منداڵ ههن، له گهڕهكه تازه ئازادكراوهكانی بهری رۆژههڵاتی شاری موسڵهوه ئاوارهبوون،چونكه خزمهتگوزارییه بنهڕهتییهكان و خۆراكیان بۆ دابین نهكراوه،سهرهڕای ئهوهی ناوچهكانیان له لایهن داعشهوه بۆردوومان كراوه.
شهڕی كۆنترۆڵكردنهوهی شاری موسڵ له 17/10/2016 وه به بهشداری 45 ههزار له هێزه سهربازییهكانی سهر به حكومهتی عێراق له سوپا و پۆلیس و حهشدی شهعبی و پاسهوانی نهینهوا شان به شانی هێزی پێشمهرگه دهستیپێكردووه.
لهو ئۆپهراسیۆنهدا هێزهكانی هاوپهیمانی نێودهوڵهتی دژی داعش به سهرۆكایهتی ئهمریكا له ئاسمانهوه پاڵپشتی هێزهكانی پێشمهرگه و هێزه عێراقییهكان دهكات و تا ئێستا چهند شارۆچكه و شارهدێ و زیاتر له 20 له گهڕهكهكانی شاری موسڵ و گوندهكانی دهشتی نهینهوا رزگار كراوون و ئێستا موسڵ له ههر چوار لاوه گهمارۆدراوه.