فرەنسا مۆبایلی لە قوتابیان قەدەخەکرد

K24- هه‌ولێر:

پڕۆژە یاسای قەدەخەکردنی بەکارهێنانی مۆبایل، تابلێت، کاتژمێری زیرەک لە لایەن پەرلەمانی فرەنسا پەسەندکرا.

بەگوێرەی هەواڵێکی رۆژنامەی دۆیچە ڤێلە، جیا لە قوتابیانی خاوەن پێداویستی تایبەت، هەر قوتابییەک تەمەنی خوار 15 ساڵ بێت، بۆی نییە مۆبایلەکەی بباتە قوتابخانە لە فرەنسا، مەگەر ئەوەی بۆ کارێکی فێرکاری پەیوەست بە قوتابخانەکان بەکاربێت.

هەروەها ئەو قوتابیانەی تەمەنیان زیاد لە 15 ساڵە، دەتوانن لە ژێر رۆشنای چەند رێنماییەک مۆبایلەکانیان بەکاربهێنن.

یەکێک لە بەڵێنەکانی ئیمانیۆل ماکرۆن، سەرۆکی فرەنسا، لە سەروبەندی کەمپینی هەڵبژاردنەکان، قەدەخەکردنی بەکارهێنانی مۆبایل بوو لە قوتابخانەکان. 

H.J