پارتى و يهكێتى بهردهوامن له گفتوگۆكردن لهسهر داخوازييهكانى يهكتر
K24 – سلێمانى:
كۆبوونهوهى شاندى مهكتهبى سياسى پارتى ديموكراتى كوردستان و مهكتهبى سياسى يهكێتى له سلێمانى بهردهوامه و به گوێرهى زانيارى كوردستان24، يهكێتى پێداگيرى لهسهر مهرجهكانى خۆى بۆ بهشداريكردن له پرۆسهى پێكهێنانى كابينهى نوێى حكومهتى ههرێمى كوردستان دهكات.
ئارام بهختيار، پهيامنێرى كوردستان24 له سلێمانى رايگهياند، له كۆبوونهوهى نێوان پارتى و يهكێتييدا تاوتوێى ئهو 18 خاڵه و چۆنێتى جێبهجێكردنيان كراوهتهوه، كه له كۆبوونهوهى ههولێر ههردوولا لهبارهيانهوه رێككهوتبوون.
گوتيشى: له كۆبوونهوهى ئهمڕۆدا يهكێتى جهختى لهسهر ئهوه كردووهتهوه، كه پۆستى وهزارهتى دادى حكومهتى عێراق و پارێزگارى كهركووك و پێكهێنانى كابينهى نۆيهمى حكومهتى ههرێم وهك يهك پاكێج مامهڵهيان لهگهڵ دهكات و نايهوێت به جيا بڕياريان له بارهوه بدات.
ئاشكراشيكرد، شاندى پارتى پێداگيرى لهسهر ئهوه كردووه، كه له يهكلاكردنهوهى پۆستهكانى بهغدا و كهركووك دهبێت كۆدهنگى نيشتمانى و رهزامهندى پارتى لهسهر كانديدهكان ههبێت.
روونيشيكردهوه، دواى نانى نيوهڕۆ ههردوولا دهستيان به كۆبوونهوه كردووهتهوه و چاوهڕوان دهكرێت ئێوارهى ئهمڕۆ دواى تهواوبوونى كۆبوونهوهكه، ههردوولا زانيارى بۆ ميديا ئاشكرا بكهن.