له‌ رانیه‌ كۆرپه‌یه‌كی دوو سه‌ر له‌ سكی دایكیدا ده‌ستنیشانكرا

حاڵه‌تێكی ده‌گمه‌نه‌
kurdistan24.net

K24 – رانیه‌:

لە حاڵەتێکی دەگمەندا لە هەرێمی کوردستان و لە شارۆچكه‌ی رانییە، کۆرپەلەیەکی دوو سەر له‌ سكی دایكیدا ده‌ستنیشانكرا.

بە وتەی د. فەرەیدون سەعید، پزیشکی تیشک و سۆنار، دوای پشکنینی سۆنار بۆ ئافرەتێکی دووگیان، دەرکەوتووە کە کۆرپەلەی ناو سکی دایکەکە دوانەیەکی بەیەکەوە نوساون کە پێی دەوترێ (conjoined twin).

بە وتەی ئه‌و پزیشکە کۆرپەلەکە دوو سەری بەیەکەوە نوساوی هەیە و رەگەزی مێیە و دوو دەست و دوو قاچیشی هەیە، کۆرپەلەکە چوار مانگە و بێ کێشەیە و تەندروستی باشە.

بوونی کۆرپەلەی دوو سەر حاڵەتێکی دەگمەنە لە جیهاندا و لە هەرێمیشدا زۆر دەگمەنترە.