کابینەیا نەهێ یا حکومەتا هەرێما کوردستانێ، ئابورەکێ سەربەخۆ پاشەرۆژەکا گەرەنتیکری
ئایا پارە هەمی تشتە؟ دجڤاکێن سەرمایەداری و پێشکەفتی یێن پیشەسازیدا گەهشتینە قۆناغا خوشگوزەرانیێ رەنگە هەڤرکیا پارەی هەمی تشتە یا دروست بیت، ب هەمان رتم بۆ وەلاتێن تازە پێشکەفتی ژی لێ وەکو پێدڤیاتی نە وەکو هەڤرکی. ئەزموونا وەلاتێ مە دگەل عیراقێ هەر چەند سالان جارەکێ قەیرانەکا وەسا بۆ مە دهێتە دروستکرن دتەوەقعا کەسێدا نەبیت، ئەوا حنێرە سەرەرای ڤێ قەیرانا دژوارا دارایی کو گەلێ مە ب حکومەت ڤە ب خۆراگرانە ب سەروکاتیا رێزدار “ مەسرور بارزانی” یێن دەرباز دکەن پێنگاڤێن زۆرباشێن ستراتیژی یێن هاتینە هاڤێتن.
بۆ نموونە دڤان چارسالاندا پیشەسازیا خوراکی، چاندن(پرۆژێن ستراتیژی یێن خودانکرنا“ماسی، خودانکرنا ئاژەلی، بەرهەمئینانا سپاتیان، ب بازارکرنا گەنمی، کارگەهێن دروستکرنا ئاری، ب بازارکرنا پتات، هنگڤین، سێڤا بەرواریان، چەند بەرهەمێن دی یێن وەکی سماق و تەحینێ” هەتا دوماهیێ ئەڤە ژی بتنێ نە. بەلکی بتنێ ل پارێزگەها دهۆکێ دەستیری و ئەرد بۆ نێزیکی 500 کارگەهێن پیشەسازی هاتیە تەرخانکرن دێ دەلیڤێن کاری بۆ هزاران گەنجان دابینکەت.
ئەرکێ حکۆمەتێ یە خزمەتێ بکەت لێ ئەو ئەرکە هنگی یێ دروستە دەما ب ستراتیژی و ب پلانێن درێژخایەنێن وەکی دروستکرنا رێکوپر و بان ب تایبەتی رێک بۆ ڤەژاندنا گۆندان، درۆستکرنا بەنداڤ و سکران و پلانسازیا باژێران بیت و ئەڤێ چەندێ ب باشی یا دەستپێکری.
یا ژڤێ گرنگتر دوو تشێن دی نە، دەما حکومەت هەولەکا جدی و ب بریار ددەت شقەیان بۆ کێمدەرامەتان دابینکەت و ئەردی بدەتە فەرمانبەران و خودان خزمەتان، هەروەسا دەما حکومەت کار ب پلانەکا ستراتیژی بۆ نەهێلانا بێکاریێ و پشتەڤانیێ ل پرۆژێن بچوویک دکەت هنگی ئەڤە گاڤێن ستراتیژی یێن گەلەک گرنگن و ئایندێ مە دێ بەرەف پێشڤەبەن.
ئەم ل بیرا خۆ بینین پلانێن ستراتیژی دەم پێدڤێت و سەرەرای دروستکرنا ئاستەنگ و قەیرانان و تو ژنەبوونێ تازە هندەک تشتێن نوو دروستکەی و بارێ بەرپرساتیێ و خزمەتێ هەلگری ل وی دەمی دەستخوشی و سوپاسی ژبلی بجهئینانا ئەرکی هێژای کابینەیا نەهێ یە و دەرئەنجامێن وێ ل پاشەروژێ دێ باشتر دیاربن.