Li Dêrsimê 9 xwendekar hatin binçavkirin

K24 -  Navenda Nûçeyan

Li bajarê Dêrsimê yê Bakurê Kurdistanê, polîsên Tirkiyê bi ser malên xwendekaran de girtin û 9 xwendekar 6 jê keç in, binçav kirin.

Li bajarê Dêrsimê şevê borî 6 Cotmehê, derdora demjimêr 20.30 di operasyonekê de, hêzên asayîşa Dêrsimê bi ser çend malên xwendekaran de girtin û malên wan hatin pişkinînkirin.

Di dema kontrolkirina hundirê malan de polîsan dest danîn ser hard kompiyoterên xwendekaran.

Derbarê sedema binçavkirina wan 9 xwendekaran de heta niha ti daxuyanî nehatine dayîn û nayê zanîn jî ku ew xwendekar bi ser çi rêxistinê ve ne. Tenê hat ragehandin ku derbarê bûyerê de lêpirsîn berdewam e.